कोल्हापुरात एक अजब प्रकार समोर आलेला असून रात्रीच्या वेळी कुत्रे फिरवण्यासाठी गेलेल्या तरुणाला कारमधून आलेल्या तीन जणांनी अडवले आणि ‘ तुझी मैत्रीण कोण आहे ? अशी विचारणा करत त्याच्या डोक्यात काठीने मारहाण करत त्याचा मोबाईल फोडून टाकला. 15 तारखेला रात्रीच्या सुमारास हा प्रकार घडलेला आहे.
उपलब्ध माहितीनुसार , ओंकार श्रीकांत सूर्यवंशी ( वय पंचवीस वर्ष राहणार शिवाजी पेठ ) असे जखमी तरुणाचे नाव असून ओंकार हा मध्यरात्री कुत्रे फिरवण्यासाठी रंकाळा टॉवर परिसरात गेलेला होता त्यावेळी तिथे कारमधून तीन जण आले आणि श्रेयस नावाच्या तरुणाने ‘ तुझी मैत्रीण कोण आहे ? ‘ अशी विचारणा करत ओमकारचा मोबाईल फोडला आणि त्यानंतर सर्वजण मारहाण केल्यावर दमदाटी करत तिथून निघून गेले. पोलीस निरीक्षक सतीश कुमार गुरव यांच्या मार्गदर्शनाखाली पुढील तपास सुरू असल्याची माहिती आहे.